يــا صغير السن قدرك طاحـت ابراجــه

ياصغير السن قدرك طاحت ابراجـه % % % الجرح خلى الصخر ينـطق ونطقني

خلاص.. ماعاد تعني لي ولا حاجـه % % % رح.. جعل ربي يوفــــقك ويفــــقني

من بعد ماكنت نور العمر وسراجـه % % % اليــوم صــرت الظلام اللي يطوقني

عطيتك اكثر من اللي كنت تحتاجـه % % % اسرفت فـ(الحب).. لين الحب وهقني

خلاص مالي ومال الحب وازعاجه % % % مالي ومال الدروب اللي تضــايـقـني

تعـبت اضـم البحر واهدي امواجـه % % % تعبـت اجامل واشوف الوقت يسرقني

شكواي لـ (اللي) عليه الضيق وافراجـه % % % اللي إذا شــاء .. يـرحـمني ويـرزقـني

أماأنـتـي ابـوجبـين عـقـد حـجـاجـه % % % لا عاد تسأل:"علامك ماانت طايقني"؟

الـناس كـل على دربـه ومـنـهـاجـه % % % وانا عـن الــناس مابه شـي يـفـرقـني

الا اني دايـم احب الصدق واواجـه % % % مخلوق..والله علىهـ(الوضع) خالقني

حتى رفيقي ضماد القلب وعلاجـه % % % على كـثـر ماتـمـسـك فـيـه.. صـدقـني

لوادري انه مرافـقـني على حاجـه % % % لـ (امسكه) حاجته.. واقول: "فارقني"